Hlăm mmông tŭ drông, pô bi ala Sẻng-phết Hùng-bun-nhuông bi êdah klei hơ̆k mơak kơ klei mjĕ giăm knhuah gru  Lào – Việt Nam ƀrư̆ hruê ƀrư̆ đĭ kyar kluôm êlam, ba wĭt boh tŭ klă klơ̆ng kơ mnuih ƀuôn sang grăp ala čar, mñă klă klei yuôm bhăn mơ̆ng klei mjĕ giăm Việt Nam – Lào leh anăn bi klă hlăm djăp bruă păn ngă ăt srăng lŏ dơ̆ng ksul mbŭ kơ klei bi mguôp Việt Nam – Lào mtah siam nanao leh anăn kjăp.

Khua gĭt gai Đảng Nguyễn Phú Trọng hơêč hmưi kơ pô bi ala dưi bi leh jăk bruă klam leh anăn dŭm boh tŭ dưn Lào dưi mâo leh hlăm wưng êgao, mñă klă Việt Nam sa ai hŏng klei mlih mrâo mơ̆ng Lào, lŏ dơ̆ng đăo knang, ti gŭ klei gĭt gai mơ̆ng Đảng yang ƀuôn cách mạng Lào, mnuih ƀuôn sang Lào lŏ dơ̆ng mâo lu boh tŭ dưn mrâo, prŏng prĭn hĭn hlăm bruă hluê ngă hdră mtrŭn Klei kƀĭn kluôm 12 mơ̆ng Đảng yang ƀuôn cách mạng Lào.