Aguah mbrue 3/1, mkŏ mjing leh klei bi kƀĭn online mơ̆ng knŭk kna hŏng dŭm alŭ wăl ksiêm wĭt bruă thŭn 2022, lehanăn hlue ngă klei mklă mtrŭn mơ̆ng gưl dlông, klei bi klă mơ̆ng bruă kƀĭn ala gưl 15, lehanăn hdră mđĭ kyar bruă duh mkra ala ƀuôn thŭn 2023. Blŭ hrăm ti anôk bi kƀĭn, Khua gĭt gai Đảng Nguyễn Phú Trọng lač, knŭk kna lehanăn dŭm phŭn dhar bruă lŏ dơ̆ng bi leh klei bhiăn, mđĭ bi mlih anôk duh mkra, iêo jak klei ngă bruă kñăm kơrŭ wĭi bruă duh mkra hŏng klei pral.

Khua gĭt gai Đảng Nguyễn Phú Trọng bi myuôm thŭn 2022 knŭk kna gĭr leh mâo ba wĭt lu klei tŭ dưn hĭn kơ thŭn 2021, djŏ hŏng klei čiăng tui si khua gĭt gai Đảng blŭ ti anôk kiă kriê klei bi kƀĭn thŭn dih. Êdah êdi klei duh mkra ala čar drei ăt mâo klei đĭ kyar truh 8,02%, jing kdlưn hĭn hŏng hdră kčah mơ̆ng 6 - 6,5%, jing ênoh kdlưn hĭn hlăm alŭ wăl lehanăn dlông rŏng lăn. Khua gĭt gai Đảng Nguyễn Phú Trọng lŏ mñă kơ 5 klei čiăng tă hdră mă bruă mâo klei bi trông kjăp, mjing knơ̆ng kơ klei mđĭ kyar kluôm, dưi ksiêm dlăng prăk luič ênoh, mđĭ ai dưi čŏng pô mă bruă, bi kjăp klei duh mkra./.