Êpul gĭt gai bi klă hlăm dŭm 2022, dŭm anôk bruă kčŭt hưn gưl dlông čŏng pô hmao ƀuh, bi kdơ̆ng ktang phĭt, kčŭt hưn lu klei ngă soh ƀơ̆ng ngăn, klei amâo mâo jăk, boh nik jing klei ngă soh kjham, dleh ksiêm dlăng. Khua gĭt gai Đảng Nguyễn Phú Trọng mñă klă, hlăm wưng kơ anăp, dŭm anôk bruă lŏ dơ̆ng bi mguôp, mkŏ mjing lu hdră êlan čiăng amâo mâo dưi, amâo mâo jhŏng, amâo mâo čiăng klei ƀơ̆ng ngăn, ñĕ kơ klei huĭ đua bruă klam, hŭi kơ soh, amâo mâo jhŏng ngă.

Khua gĭt gai Đảng Nguyễn Phú Trọng ăt lač klă, srăng mâo bruă ngă mdê, phung khua gĭt gai, kiă kriê bruă ktang prŏng, ktang mâo klei bi hmô brei pô ênuah ênô. Phung hgŭm hlăm Êpul gĭt gai mơ̆ng gưl dlông kơ bruă gang mkhư̆ klei ƀơ̆ng ngăn, klei amâo mâo jăk srăng bi hmô êlâo hlăm bruă gang mkhư̆ klei ƀơ̆ng ngăn, klei amâo mâo jăk.