Bi klă hlăm klei kƀĭn, Khua gĭt gai Đảng Nguyễn Phú Trọng mñă klă, bruă hluê ngă asăp mtrŭn mrô 19 leh anăn hnưm ba mdah klei gĭt gai đa đa bruă klam kñăm dưi đru leh kơ bruă Đảng nah gŭ, bruă sang čư êa dŭm gưl hmao mprăp jăk dŭm klei găl čiăng kơ mnuih ƀuôn sang mơak yan mnga, drông Tết êđăp ênang, mkiêt mkriêm, mơak mñai, bi mguôp, bi khăp, bi pap, jing tur knơ̆ng čiăng hluê ngă tŭ jing bruă klam hlăm thŭn mrâo 2023.

Bơ̆k bâo kơ bruă klam kơ anăp, Khua gĭt gai Đảng Nguyễn Phú Trọng mñă klă, srăng lŏ dơ̆ng đăo knăl boh sĭt, thâo klă dŭm klei truh tăm mâo čiăng mâo hdră bi mdrơ̆ng, amâo mâo luč klei răng, ngă ngơi mang. Leh wưng mdei Tết, kñăm gĭt gai, ktrâo lač, hluê ngă jăk, mâo boh tŭ dưn dŭm hdră mtrŭn, asăp mtrŭn, klei bi klă mơ̆ng gưl dlông leh anăn bruă Đảng dŭm gưl. Grăp anôk bruă, alŭ wăl gĭr ktưn hluê ngă tŭ jing dŭm mta kñăm hlăm thŭn 2023, jing thŭn tur knơ̆ng mơ̆ng Klei kƀĭn prŏng tal 13 mơ̆ng Đảng.