Êpul gĭt gai ksiêm wĭt leh boh tŭ klei ngă bruă hlăm thŭn 2022, hdră ngă bruă thŭn 2023 mơ̆ng Êpul gĭt gai, boh tŭ ktrâo lač klei mgaih msir dŭm boh klei, klei ngă doh dôk hlăm êpul gĭt gai ktuê dlăng, ktrâo lač mơ̆ng leh klei kƀĭn tal 21 mơ̆ng Êpul gĭt gai truh kơ ară anei.

Hlăm klei kƀĭn, Êpul gĭ gai bi klă, thŭn 2022, bruă gang mkhư̆ klei ƀơ̆ng ngăn, klei amâo mâo jăk dưi mtrŭt mđĭ ktang, mâo klei đĭ kyar mrâo, ktang phĭt, hrăm mbĭt, kluôm ênŭm leh anăn mâo boh tŭ dưn hĭn. Boh nik jing bruă nao mbĭt hŏng bruă gang mkhư̆ klei ƀơ̆ng ngăn, klei amâo mâo jăk hŏng bruă knuă druh, ƀuah mkra klei ngă soh, brei mdei bruă hluê si mta mtrŭn mơ̆ng Đảng, knŭk kna, dưi mâo gru kruăk jăk, bi kjăp klei đăo knang mơ̆ng mnuih ƀuôn sang. đru mguôp yuôm bhăn hlăm bruă hluê ngă tŭ jing bruă klam bruă duh mkra ala ƀuôn thŭn 2022.