Knăm anei čiăng bi trông, brei klei blŭ mguôp kơ boh tŭ klei ngă bruă mơ̆ng êpul gĭt gai hlăm 6 mlan akŏ thŭn leh anăn ksiêm wĭt bruă gang mkhư̆ klei ƀơ̆ng ngăn, klei amâo mâo djŏ mơ̆ng akŏ wưng klei kƀĭn kluôm Đảng tal 13 truh kơ ară anei, bi klă bruă klam kñăm hlăm dŭm mlan knhal jih thŭn leh anăn hlăm wưng kơ anăp.

Êlâo kơnăn, hruê 10/5, Êpul khua gĭt gai gưl dlông kơ bruă gang mkhư̆ klei ƀơ̆ng ngăn, klei amâo mâo djŏ mkŏ mjing leh klei kƀĭn ti gŭ klei gĭt gai mơ̆ng Khua gĭt gai Đảng Nguyễn Phú Trọng. Hlăm klei kƀĭn anei, Êpul khua gĭt gai mñă kơ dŭm gưl bruă Đảng nah gŭ, êpul bruă Đảng, dŭm anôk bruă djŏ tuôm lŏ dơ̆ng mtrŭt mđĭ bruă gang mkhư̆ hŏng klei ƀơ̆ng ngăn, klei amâo mâo djŏ hŏng ai tiê ktang phĭt, gĭr ktưn, amâo mâo mdei, amâo mâo anôk kăm ghă, amâo mâo lui kơ sa čô êrô, hluê ngă tŭ dưn dŭm bruă klam gang mkhư̆ klei ƀơ̆ng ngăn, klei amâo mâo djŏ hluê si klei bi klă gưl kƀĭn tal 23 mơ̆ng Khua gĭt gai Đảng, Khua êpul gĭt gai leh anăn hdră ngă bruă thŭn 2023 mơ̆ng êpul gĭt gai.