Khua gĭt gai Đảng Nguyễn Phú Trọng mñă klă “Hlăm grăp wưng, ti grăp ala čar, phung hriăm lu jing nanao sa êpul yuôm bhăn hlăm bruă mtrŭt mđĭ klei đĭ kyar yang ƀuôn”. Khua gĭt gai Đảng mtă kơ dŭm êpul êya klei kreh knhâo leh anăn mrâo mrang, phung hriăm lu ti ala čar drei, phung kreh knhâo hlăm Êpul hgŭm dŭm êpul kreh knhâo leh anăn mrâo mrang Việt Nam srăng lŏ gĭr hĭn, mâo lu klei đru mguôp hĭn, mâo boh tŭ dưn hĭn kơ bruă mkŏ mjing, mđĭ kyar hmar leh anăn kjăp ti ala čar.

Khua gĭt gai Đảng Nguyễn Phú Trọng ăt mtă srăng lŏ dơ̆ng bi kjăp, mđĭ hĭn boh tŭ klei ngă bruă mơ̆ng êpul anei mơ̆ng gưl dlông truh kơ alŭ wăl, đru kčĕ mkŏ mjing hdră êlan, klei găl kơ phung phung hriăm lu dưi ngă bruă leh anăn đru mguôp kơ klei đĭ kyar ala čar.