Khua gĭt gai Đảng Nguyễn Phú Trọng nao hgŭm leh anăn blŭ hlăm knăm anăn. Mđup brei mêđai 60 thŭn bruă Đảng leh anăn kwang mnga hơêč hmưi kơ Khua gĭt gaĭ Đảng hđăp Nông Đức Mạnh, Khua gĭt gai Đảng Nguyễn Phú Trọng mñă klă, Nông Đức Mạnh jing knuă druh mnuih djuê ƀiă, k’kiêng leh anăn đĭ hriê kơ prŏng mơ̆ng sa krĭng čư̆ čhiăng kwar dưr bŏ hŏng knhuah gru khăp kơ lăn čar, cách mạng, tuôm păn ngă lu mta bruă mơ̆ng nah gŭ truh kơ Khua bruă Đảng čar, Khua bruă kƀĭn ala gưl 9, gưl 10  leh anăn Khua gĭt gai Đảng gưl dlông gưl 9 (wưng thŭn 2001 – 2006), gưl 10 (wưng thŭn 2006 – 2011). Hlăm djăp mta bruă klam, Nông Đức Mạnh ăt mâo nanao klei sĭt suôr hŏng Đảng, Hŏng lăn čar leh anăn mnuih ƀuôn sang, mñă klă mta kñăm, klei mĭn mơ̆ng Đảng, amâo mâo mdei klei hriăm, mjuăt pô, gĭt ktưn bi leh jăk djăp bruă klam jao kơ pô.