Blŭ hlăm klei kƀĭn trông, Khua gĭt gai Đảng Nguyễn Phú Trọng yap yuôm bhăn dŭm klei gĭr mơ̆ng lĭng kahan hlăm thŭn 2022 đru mguôp hŏng Đảng, mnuih ƀuôn sang leh anăn bruă kđi čar, krŭ wĭt bruă duh mkra, gang mkhư̆ klei ƀơ̆ng ngăn, klei amâo mâo jăk, rơ̆ng klei êđăp ênang, mđĭ bruă klam, ai dưi, kơhưm ala čar. Leh hlăk mblang klă boh sĭt tar rŏng lăn, hlăm alŭ wăl, đăo knăl ăt dôk dleh dưi ksiêm dlăng, Khua gĭt gai Đảng Nguyễn Phú Trọng mtă hlăm wưng kơ anăp, kluôm lĭng kahan čiăng čŏng pô, mbruă, mđĭ klei thâo ksiêm duah, đăo knăl, hluê ngă bruă đru kčĕ hdră êlan hŏng Đảng leh anăn knŭk kna kơ bruă lĭng kahan, răng mgang klei êđăp ênang, mâo hdră mgaih msir djŏ guôp, mâo boh tŭ dưn, amâo brei mâo klei kdjăt kƀla.

Kñăm kơ bruă đru kčĕ, mgaih msir hŏng klei mbruă, dưn yua tŭ dưn klei mjĕ giăm tar rŏng lăn, dŭm hdră êlan gang mkhư̆ klei arưp aram bi blah, mjhĭk mtŭl mơ̆ng hnưm, mơ̆ng kbưi, dŭm boh klei knông lăn, plao ksĭ. Êngao kơnăn, lŏ dơ̆ng thâo klă leh anăn hyuă kjăp hĭn klei hluê ngă hdră êlan lĭng kahan hlăm jih jang mnuih ƀuôn sang, răng mgang ala čar hlăm wưng mrâo.