Blŭ hlăm knăm anăn, Khua gĭt gai Đảng Nguyễn Phú Trọng mñă klă, găn hgao hƀuê ênuk mơ̆ng Djuê ana, phung hriăm lu Việt Nam mâo nanao ai tiê khăp kơ ala čar, klei ktưn hưn djuê ana, leh anăn rơ̆ng bruă klam yuôm bhăn hlăm bruă mkŏ mjing leh anăn răng mgang ala čar.

Khua gĭt gai Đảng Nguyễn Phú Trọng bi êdah klei hmăng hmưi hlăm wưng kơ anăp, Êpul hgŭm dŭm êpul kreh knhâo leh anăn mrâo mrang Việt Nam srăng lŏ dơ̆ng čŏng pô leh anăn ngă jăk hĭn bruă kđru kcĕ hŏng Đảng leh anăn knŭk kna. Klă klơ̆ng jing: ngă jăk hĭn bruă klam hưn mdah, wĭt lač hlăm bruă mkŏ mjing, bi kluôm hdră kiă kriê, hdră êlan, dŭm hră mơar klei bhiăn ala čar hŏng dŭm klei čuăn klă klơ̆ng, iêo jak, dưn yua leh anăn bi mni kơ klei thâo, kñăm mkŏ mjing êpul hriăm lu amâo mâo mdei đĭ ktang, rơ̆ng mâo ênŭm ênoh leh anăn hnơ̆ng tŭ jăk.