Blŭ hlăm knăm anăn, Khua gĭt gai Đảng Nguyễn Phú Trọng mñă klă, lač hŏng klei klah čŭn, dưi săng 6 mtă klei awa Hồ mtă kơ kahan ksiêm yang ƀuôn jing: Klei mjĕ giăm hlăm ai tiê mơ̆ng grăp čô knuă druh, kahan ksiêm (anăn jing hŏng asei pô), klei mjĕ giăm ti tač êngao mơ̆ng grăp čô knuă druh, kahan ksiêm (anăn jing klei ngă bruă, hŏng mnuih ƀuôn sang, hŏng knŭk kna, hŏng phung roh), klei mjĕ giăm mơ̆ng grăp čô knuă druh, lĭng kahan hŏng dŭm bruă srăng ngă, dưi ngă leh anăn hluê ngă jih hnơ̆ng hŏng bruă klam jao leh.

Čiăng lŏ mtrŭt mđĭ hĭn bruă hluê hriăm, hluê ngă 6 klei Awa Hồ mtă, êpul kahan ksiêm yang ƀuôn, Khua gĭt gai Đảng Nguyễn Phú Trọng lač klă dŭm klei čuăn hŏng jih jang phung kahan ksiêm yang ƀuôn hlăm kluôm ala čiăng kñăm hyuă kjăp, kñăm ngă jăk 3 klei kmeh gơ̆ng anăn jing: “hluê hriăm”, “gĭr ngă jih hnơ̆ng, hluê ngă” leh anăn “bi hmô, nao êlâo”.