Khua gĭt gai Đảng Nguyễn Phú Trọng tŭ drông êpul bi ala gưl dlông mơ̆ng Dominica
Thứ tư, 10:46, 22/02/2023
VOV Tây Nguyên
VOV Tây Nguyên
VOV4.Êđê- Tlam mbruê 21/2, ti anôk bruă Đảng gưl dlông, Khua gĭt gai Đảng Nguyễn Phú Trọng tŭ drông leh Êpul bi ala gưl dlông Đảng hdră brưa hluh hlir (MIU) mơ̆ng khua gĭt gai Đảng Mi-ghen Mê-hi-a, Khua phŭn bruă hdră êlan ñu kma alŭ wăl ala čar Dominica ba anăp hriê čuă leh anăn mă bruă ti Việt Nam mơ̆ng hruê 18/2 – 26/2/2023.
Hlăm mmông tŭ drông, Khua gĭt gai Đảng Nguyễn Phú Trọng mñă klă Đảng, knŭk kna Việt Nam dlăng yuôm bhăn klei bi hgŭm, bi mguôp lu mta hŏng dŭm ala čar, dŭm Đảng mâo klei mjĕ giăm knhuah gru, hlăm anăn mâo ala čar Dominica leh anăn Đảng MIU.
Khua gĭt gai Đảng Nguyễn Phú Trọng bi mni kơ klei bi mguôp kjăp leh anăn ƀrư̆ hruê ƀrư̆ tŭ dưn plah wah Đảng cộng sản Việt Nam hŏng Đảng MIU leh anăn dŭm Đảng yuôm bhăn mkăn ti ala čar Dominica. Khua gĭt gai Đảng mñă kơ 2 tĭng lŏ dơ̆ng bi mguôp kjăp, hluê ngă tŭ dưn dŭm hdră êlan bi mguôp plah wah 2 Đảng. Khua gĭt gai Đảng Mi-ghen Mê-hi-a mñă klă, klei mjĕ giăm jăk siam jing tur knơ̆ng leh anăn klei găl kơ 2 ala čar pŏk phai leh anăn bi êlam hĭn dŭm klei bi mguôp 2 ala čar.
Viết bình luận