Tlam mbruê, ti anôk bruă Đảng gưl dlông, Khua gĭt gai Đảng Nguyễn Phú Trọng tŭ drông leh Vương Ninh, Khua hlăm bruă Đảng gưl dlông, Khua bruă Đảng čar Vân Nam dôk mâo klei hriê čuă Việt Nam leh anăn hrăm mbĭt gĭt gai klei kƀĭn plah wah khua bruă Đảng čar Hà Giang, Lào Cai, Lai Châu, Điện Biên mơ̆ng Việt Nam hŏng čar Vân Nam, China. Hlăm mmông tŭ drông, Khua gĭt gai Đảng Nguyễn Phú Trọng yap yuôm bhăn klei đĭ kyar jăk hlăm lu mta bruă hlăm klei mjĕ giăm 2 tĭng hlăm wưng êgao, hlăm anăn mâo dŭm boh tŭ dưn kơ bruă mjĕ êrô, bi mguôp plah wah dŭm alŭ wăl knông lăn mơ̆ng Việt Nam hŏng čar Vân Nam.

 Khua gĭt gai Đảng Nguyễn Phú Trọng hmăng hmưi čar Vân Nam leh anăn dŭm alŭ wăl knông lăn Việt Nam srăng nao êlâo hlăm klei thâo săng mbĭt plah wah khua gĭt gai gưl dlông, lŏ dơ̆ng hyuă kjăp kơ klei bi hgŭm leh anăn klei yuôm bhăn klei mjĕ giăm Việt Nam – China, bi klă klei hưn mbĭt dưi mâo hlăm gưl nao čiă China mrâo êgao, đru mtrŭt mđĭ klei mjĕ giăm knhuah gru plah wah 2 Đảng, 2 knŭk kna.