Khua gĭt gai Đảng Tô Lâm bi blŭ hrăm hŏng adŭ bi hriăm mbŏ klei thâo săng klei thâo mă bruă hlăm klei dăp mnuih mă bruă hlăm Êpul khua kiă kriê gưl dlông Đảng gưl 14
Thứ tư, 10:43, 18/06/2025
Pô mblang Y-Khem Niê/VOV Tây Nguyên
Pô mblang Y-Khem Niê/VOV Tây Nguyên
VOV4.Êđê- Tlam mbrue 17/6, ti Sang hră ksiêm hriăm kơ bruă kđi čar lăn čar Hồ Chí Minh, Khua gĭt gai Đảng Tô Lâm mâo leh mmông bi blŭ hrăm hŏng adŭ bi hriăm mbŏ klei thâo kơ knuă druh ngă bruă čual mkă dăp mnuih hlăm anôk bruă kiă kriê bruă Đảng gưl dlông gưl 14.
Bi trông kơ mta kñăm, kơ hdră êlan mđĭ kyar lăn čar hlăm ênuk ară anei, Khua gĭt gai Đảng Tô Lâm mñă hlăm wưng leh êgao, drei bi tŭ ư leh kơ hdră êlan mđĭ kyar ênuk gưl mrâo pioh mđĭ kyar lăn čar mơ̆ng klei bi kƀĭn prŏng Đảng 14. Čiăng kơ jih jang mta kñăm anăn mâo mđĭ GDP truh dua mrô hlăm lu thŭn mtam.
Khua gĭt gai Đảng mñă: Hlei phung dôk hlăm ênoh dăp ngă bruă hlăm êpul khua kă kriê gưl dlông kơ Đảng, jing phung knuă druh mda asei, mnuih klam bruă kơ lăn čar hlăm dŭm thŭn ti anăp, jing dôk hlăm wưng yuôm bhăn mơ̆ng hƀuê ênuk mđĭ kyar djuê ana. Khua gĭt gai Đảng mtă: Hlăm klei dăp ênoh mnuih hlăm êpul khua kiă kriê Đảng gưl dlông ƀuh leh bruă klam pô čiăng đăm mdei ôh tui hriăm, bi ktưn, kpưn đĭ bi leh bruă čuăn hlăm wưng tinăp./.
Viết bình luận