Khua gĭt gai Đảng Tô Lâm hơêč hmưi kơ dŭm boh tŭ dưi mâo, kluôm dhuôm mơ̆ng China leh Klei bi kƀĭn tal XX truh kơ ară anei; mñă Việt Nam bi myuôm hdră mđĭ kyar klei bi mjĕ hŏng China, anei jing bruă čiăng êdi, jing klei hrŏng ruah phŭn, klei mđing tal êlâo hlăm hdră mtrŭn hŏng tač êngao êngiê, lu tĭng, bi lu jơr hlăm klei bi mjĕ mơ̆ng Việt Nam.

Mñă Quảng Tây jing alŭ wăl hgŭm mguôp sŭk suôr hŏng Việt Nam; Khua gĭt gai Đảng bi mni bruă klam, kơhưm ba anăp mơ̆ng Quảng Tây hlăm hdră mtrŭt mđĭ klei bi mjĕ, hgŭm bruă hŏng Việt Nam. Kơ hdră bi hgŭm hlăm wưng ti anăp, Khua gĭt gai Đảng mtă kơ Quảng Tây lehanăn dŭm alŭ wăl mơ̆ng Việt Nam hluê ngă kjăp klei thâo săng mbĭt, mđĭ hdră bi mjĕ mjuk, thâo săng hdơ̆ng găp, pŏk ngă hdră bi hgŭm tŭ dưn hlăm djăp mta bruă, boh nik hdră duh mkra – mnia mblei, anôk bruă nah gŭ, kdrăp mrâo, klei thâo anak mnuih AI…./.