Dua čô khua kiă kriê mơak ƀuh klei đĭ kyar, ƀrư̆ hrue mtrŭn agha êlan hĭn, mâo klei tŭ dưn hlăm bruă hgŭm dua nah, lehanăn klei bi hgŭm bruă kƀĭn ala dua ala čar, bi klă bruă hgŭm dua nah mơ̆ng anôk bruă mkŏ mjing hdră bhiăn anei jing yuôm bhăn kơ klei bi mguôp mbĭt, čang hmăng kơ klei bi mguôp mbĭt, mâo hdră êlan kluôm ênŭm plah wah Việt Nam – Indonesia, hlăm klei mkŏ mjing dŭm hră mơar kơ klei bhiăn, mâo dŭm hdră êlan djŏ guôp kơ klei bi hgŭm hlăm djăp mta boh nik klei hgŭm duh mkra mnia mblei lehanăn duh bi liê dua nah.

Khua bruă kƀĭn ala Amad Muzani lač Indonesia dlăng yuôm klei bi mguôp hŏng Việt Nam, kyua klei tŭ dưn kơ dua nah, kyua klei êđăp ênang, hơĭt kjăp, hgŭm bruă, mđĭ kyar hlăm alŭ wăl lehanăn tar rŏng lăn./