
Khua gĭt gai Đảng Tô Lâm leh anăn Khua knŭk kna Aleksandr Turchin bi tŭ ư klei bi hgŭm dua ala čar dôk ti anăp klei găl mrâo, bi mklă dua ala čar brei mđĭ lar ai ktang mơ̆ng tur knơ̆ng knhuah gru čiăng pŏk mlar klei bi hgŭm klă sĭt, tŭ dưn.

Dua tĭng srăng mkŏ mjing sa hdră ngă bruă čiăng pŏk ngă klei bi hgŭm Hdră bruă kluôm, bi trông êpul gưl dlông leh anăn dŭm gưl, mđĭ klei bi hgŭm bruă duh mkra, mnia blei năng hŏng klei bi hgŭm kluôm, mđĭ bruă tuh tia mkra mjing, hlăm anăn mâo mkra mjing êdeh ô tô leh anăn masin, bi hgŭm bruă kreh knhâo - kdrăp mrâo, mtô bi hriăm, dhar kreh, hiu čhưn êngiê, mjĕ êrô mnuih ƀuôn sang, mđĭ mjĕ êrô phung mda asei čiăng răng kriê, lŏ čuê klei bi hgŭm leh mơ̆ng sui. Bi trông kơ dŭm bruă krĭng wăl leh anăn lu ala čar mđing, dua tĭng bi mklă srăng lŏ dơ̆ng bi hgŭm kjăp hlăm klei bi kƀĭn lu tĭng leh anăn lu ala čar, bi sa ai hŏng klei bhiăn lu ala čar, đru mguôp jăk kơ klei êđăp ênang, hơĭt kjăp, bi hgŭm leh anăn mđĭ kyar ti krĭng wăl leh anăn dlông rŏng lăn.
Viết bình luận