Ti anôk bi tuôm, Khua knŭk kna Russia bi mklă, Russia dlăng Việt Nam jing sa hlăm dŭm ƀĭng hgŭm bruă mrô sa ti krĭng Asi – Pacifik, mñă gưl hiu čhưn tal anei srăng đru bi êlam hĭn klei bi mjĕ jăk siam mâo mơ̆ng đưm lehanăn Ƀĭng hgŭm bruă phŭn kluôm dhuôm plah wah Russia lehanăn Việt Nam.

Dua khua kiă kriê bi trông leh êlam kơ dŭm hdră msir đru bi kjăp klei đăo knang hlăm bruă kđi čar lehanăn pŏk mlar hdră bi hgŭm dua nah, boh nik hlăm bruă mâo klei găl msĕ si bruă pui kmlă, bruă mnia mblei – duh bi liê, bruă tuh tia mkra mjing kdrăp lĭng kahan, bruă êlan klông dŭ mdiăng, kdrăp mrâo, klei thâo anak mnuih, bruă duh mkra mrô, bruă mdrao mgŭn, bruă mtô bi hriăm, bruă dhar kreh, hiu čhưn ênguê, bi hgŭm alŭ wăl lehanăn mjĕ mjuk mnuih ƀuôn sang./.