Khua gĭt gai Đảng Tô Lâm brei thâo, thŭn 2024, jih jang 15 ênoh čuăn bruă mđĭ kyar klei duh mkra ala ƀuôn hlăm ala čar djăp lehanăn kdlưn hĭn hŏng ênoh kčah, hlăm anăn GDP đĭ êbeh 7%, ênoh tŭ dưn mơ̆ng bruă duh mkra giăm 500 êklai USD, ba wĭt kơ knŭk kna mâo giăm 2 êklăk êklai prăk.

Hlăm boh tŭ dưn kluôm lăn čar, mâo hlăm anăn klei đru mguôp mơ̆ng êpul kahan ksiêm, phung khua kiă kriê bruă Đảng, knŭk kna êlâo dih, jing phung leh wĭt mdei. Khua gĭt gai Đảng mñă, thŭn Ất Tỵ - 2025 jing thŭn yuôm bhăn hĭn, kahan ksiêm lŏ dơ̆ng ba anăp hlăm jih jang bruă hlue ngă hdră êlan mơ̆ng Đảng, čang hmăng kơ phung khua kiă kriê êlâo dih mơ̆ng knuă druh kahan ksiêm hlăm dŭm gưl ênuk lŏ dơ̆ng bi êdah bruă klam pô, mđrăm mbĭt sa ai tiê dưn yua jih bruă klam pô đru kčĕ hlăm bruă rŭ mdơ̆ng lehanăn răng mgang lăn čar ară anei./.