Hlăm klei bi trông, Khua mil čhil Singapore mñă klă gưl nao čhưn klă sĭt mơ̆ng

 Khua gĭt gai Đảng ti Singapore jing bruă yuôm bhăn, hŏng bruă mđĭ klei bi hgŭm jing ƀĭng hgŭm kluôm, đru pŏk sa hdră mrâo hlăm klei bi hgŭm dua nah hlăm wưng yuôm bhăn mơ̆ng dua ala čar, mjing klei găl êa pui êwa čuh leh anăn ai tiê mrâo kơ mnuih ƀuôn sang leh anăn anôk bruă duh mkra dua ala čar.

Lŏ mñă kơ klei đĭ kyar pral mơ̆ng Việt Nam, Khua mil čhil Singapore bi êdah klei đăo knang Việt Nam srăng krơ̆ng kjăp bruă klam jing sa hlăm dŭm bruă duh mkra pral hĭn krĭng wăl, hŏng hnơ̆ng đĭ kyar GDP lu, wăl hdĭp mda bi liê lu leh anăn kơhưm hŏng ala tač êngao amâo mdei mđĭ.   Khua gĭt gai Đảng tŭ ư hŏng klei blŭ Khua mil čhil Singapore kơ bruă dua ala čar mđĭ klei bi hgŭm leh anăn hŏng dŭm ala čar ASEAN čiăng mđĭ klei dưi, klei čŏng mdrơ̆ng hŏng klei lông dlăng mơ̆ng êngao.