Ti knăm anei, Khua gĭt gai Đảng mñă klă gưl hiu čhưn anei kñăm mtrŭt mđĭ klei bi mjĕ hgŭm bruă kluôm dhuôm hlăm djăp mta ra bruă, boh nik bi hgŭm hlăm hdră duh mkra hŏng Indonesia. Việt Nam mtrŭt dŭm anôk bruă duh mkra Indonesia duh bi liê hlăm Việt Nam lehanăn čang hmăng Indonesia mjing klei găl kơ anôk bruă duh mkra Việt Nam duh bi liê, pŏk mlar wăl anôk ngă bruă ti Indonesia. Mñă klă hdră sa ai hŏng dŭm hdră bruă mơ̆ng Êpul grŭp Ciputra dôk pŏk ngă ti Việt Nam. Khua gĭt gai Đảng mtă kơ Êpul grŭp bi hgŭm kjăp hŏng Anôk bruă sang čư̆ êa ƀuôn prŏng Hà Nội lehanăn dŭm anôk bruă djŏ tuôm čiăng pŏk ngă bruă mƀt anăn mtrŭt kơ êpul lŏ dơ̆ng ksiêm hriăm pŏk ngă dŭm hdră mrâo ti Việt Nam, mđĭ lar hĭn dŭm bruă mâo klei găl hlăm hdră duh bi liê, đru mguôp čiăng kơ Việt Nam dưi mâo dŭm mta kñăm đĭ kyar mâo kčah mtrŭn.

Ăt hlăm tlam mbruê, Khua gĭt gai Đảng Tô Lâm nao leh ti Knăm hưn mthaoa ktuê êlan phiơr klă anăp mơ̆ng Vietnam Airlines pkah wah ƀuôn prŏng Hồ Chí Minh lehanăn Denpasar, ƀuôn prŏng phŭn mơ̆ng Bali mơ̆ng mlan 6 thŭn anei, jing ktuê êlan phiơr tal 2 mơ̆ng Vietnam Airlines mkŏ Việt Nam - Indonesia, mđĭ ênoh gưl phiơr mơ̆ng dua anôk bruă êlan phiơr ala čar truh 14 gưl grăp hruê kăm./.