Mơ̆ng akŏ wưng truh ară anei, Bruă kƀĭn ala bi mklă 43 hdră bhiăn, êbeh 60 hdră mtrŭn; Dhar bruă kƀĭn ala mâo leh 45 Hdră mtrŭn leh anăn 3 hdră bhiăn. Khua gĭt gai Đảng Tô Lâm ăt mtă kơ bruă kƀĭn ala hnưm ksiêm hriăm bi mklă hdră msir, hdră ktuê dlăng jih hnơ̆ng mơ̆ng Bruă kƀĭn ala djŏ guôp hŏng boh sĭt, ñĕ kơ klei mtŭk mtŭl hŏng dŭm anôk bruă Knŭk kna ngă luč liê mang. Lŏ dơ̆ng mđĭ hnơ̆ng jăk êmuh, mblang, ktuê dlăng hră mơar hdră bhiăn; mđing ktuê dlăng, ksiêm dlăng bruă hlue ngă klei akâo leh ktuê dlăng.

Mlih mrâo hdră bi mklă kơ ngăn prăk Knŭk kna rơ̆ng klei sĭt, mbĭt hŏng ksiêm dlăng bruă ngăn prăk, grăp knhuang bi mlih bruă mâo hdră mtrŭn hŏng klei bhiăn kơ ngăn prăk. Hlăm klei bi kƀĭn anei, hnơ̆ng bruă mă kơ ktuê dlăng leh anăn bi mklă bruă yuôm bhăn mơ̆ng lăn čar ăt prŏng snăk, boh sĭt dôk kčah, phung bi ala dôk čang hmăng; mtă kơ phung bi ala Bruă kƀĭn ala mđĭ lar bruă klam pô hlăm klei bi trông leh anăn bi mklă bruă yuôm bhăn anei.