Klei blŭ hrăm hlăm ai êwa bi hgŭm, kpă ênô. Dua čô khua gĭt gai bi myuôm klei đĭ kyả mơ̆ng klei mjĕ giăm dua Đảng, dua lăn čar hlăm wưng êgao hŏng hdră 6 hĭn. Dŭm klei bi trông kơ hdră êlan mkŏ mjing jêñ jêñ, bi mguôp bruă duh mkra mnia mblei lŏ dơ̆ng đĭ kyar jăk, mbĭt hŏng lu gru mngač hlăm klei bi mguôp dhar kreh, mjuăt bi hriăm, hiu čhưn ênguê leh anăn mjĕ êrô alŭ wăl. Dua tĭng ăt bi mguôp kjăp hlăm dŭm klei kƀĭn lu tĭng, rơ̆ng kơ klei blŭ hrăm kơ dŭm boh klei dôk mâo.

Khua gĭt gai Đảng Tô Lâm mñă brei mđĭ hĭn klei bi mguôp hlăm dŭm mta bruă phŭn msĕ si bruă lĭng kahan, bruă hŏng tač êngao, kdrăp mrâo, mlih mrô leh anăn răng mgang wăl hdĭp mda. Boh nik, Khua gĭt gai Đảng Tô Lâm mñă klă čiăntg bi pral hdră rŭ mjing êlan êdeh treng Lào Cai - Hà Nội - Hải Phòng, mtrŭt mđĭ klei mnia mblei bi kna leh anăn duh bi liê hnơ̆ng tŭ jăk. Leh klei blŭ hrăm, dua čô khua gĭt gai ktuê dlăng klei  klei bi klă 45 hră mơar bi hgŭm, bi klă kluôm boh tŭ dưn mơ̆ng gưl hriê čhưn.