Hlăm klei trông čhai mâo lu klei blŭ lač kơ klei duh mkra hlăm wưng êgao ti, Việt Nam mâo leh dŭm knhuang đĭ kyar jăk, ƀiădah ăt dôk tuôm hŏng lu klei gun kpăk, hmăi amâo mâo jăk kơ klei dưi đru mguôp hlăm klei mđĭ kyar kluôm kơ ala čar.

Kyuanăn, amâo lŏ dưi ngă bi krư̆i ôh, lăm lui mtam yơh ya mta jing klei bi kgăn, bi kpăk, kñăm kơrŭ wĭt bruă duh mkra yuôm bhăn anei, čiăng bi mâo hdră êlan klă mngač hlăm klei mđĭ kyar bruă duh mkra lăn čar pô truh thŭn 2030 lehanăn 2045, mbĭt anăn kluôm  Đảng, jih jang mnuih ƀuôn sang hluê ngă hŏng jih ai tiê. Blŭ hrăm ti anôk mă bruă, Khua gĭt gai Đảng Tô Lâm lŏ sa blư̆ mña, klei duh mkra êngao knŭk kna jing boh kdrŭt yuôm bhăn kơ klei duh mkra mnia mblei mâo klei đĭ kyar. Hlăm wưng tinăp Đảng, knŭk kna srăng mâo dŭm hdră êlan prŏng, pioh kơ phung duh mkra êngao knŭk kna mđĭ kyar hĭn bi năng hŏng klei mđĭ kyar bruă duh mkra kluôm čar lăn./.