Ti anôk bi tuôm, Khua gĭt gai Đảng Tô Lâm mơak kyua klei bi hgŭm dua nah mâo klei đĭ kyar jăk hlăm jih bruă kđi čar Việt Nam - New Zealand, mjing atur kơ dua ala čar hyuă kjăp hĭn klei bi hgŭm hlăm djăp mta bruă.

Khua gĭt gai Đảng bi myuôm kơ dŭm boh tŭ dưn klei bi trông dua čô khua knŭk kna, boh nik leh mâo klei bi mklă mbĭt mđĭ klei bi mguôp Việt Nam - New Zealand mjing klei bi hgŭm kluôm dhuôm, nao hlăm klei mđĭ kyar kdlưn hĭn, lehanăn mâo klei bi đăo knang kjăp plah wah dua ala čar, mjing atur atăt dua lăn čar čhuang nao hlăm wưng mđĭ kyar mrâo. Dua čô khua kiă kriê bi tŭ ư leh klei bi mguôp dua nah nao hlăm knhuang mrâo, srăng ba wĭt boh tŭ dưn mrâo prŏng hĭn, đru mguôp hlăm klei êđăp ênang mbĭt, mđĭ kyar hlăm alŭ wăl, lehanăn tar rŏng lăn./.