Ti anôk bi tuôm, Khua gĭt gai Đảng Tô Lâm đăo knang kơ klei mtao hriê čhưn anei, mâo mbĭt hŏng lu khua prŏng, phung khua kiă kriê dŭm phung duh mkra, dŭm boh sang hră gưl prŏng, anôk ksiêm duah, srăng mjing ai bluh mrâo, atăt klei bi hgŭm lu hĭn hlăm djăp mta plah wah Việt Nam lehanăn belgium, mtrŭn agha êlam hĭn, ba wĭt boh tŭ dưn klă kơ mnuih ƀuôn sang dua ala čar, lehanăn mâo bruă klam kơ klei êđăp ênang, hơĭt kjăp hlăm alŭ wăl lehanăn dlông rŏng lăn.

Čiăng dưi ngă djŏ hŏng jih klei găl. Khua gĭt gai Đảng mñă dua ala čar lŏ hyuă kjăp hĭn klei hgŭm bruă duh mkra mnia mblei, bruă lŏ hma kjăp, mjuăt bi hriăm mnuih mă bruă mâo hnơ̆gn thâo lu, dhar kreh, bruă hiu čhưn ênguê, klei bi mguôp mnuih ƀuôn sang, bi hgŭm bruă kreh knhâo, mlih mrâo, mđĭ kyar phung duh mkra, kbiă hriê mơ̆ng sang hră gưl prŏng mơ̆ng Belgium, čiăng dưi đru kơ Việt Nam bi leh jih jang mta kñăm mđĭ kyar truh thŭn 2030 lehanăn 2045.