Drông Trần Thị Lâm, pô đru kčĕ anôk bruă Shangri – La Healthcare Invesment, Khua gĭt gai Đảng Tô Lâm bi mni kơ anôk bruă duh mkra duh bi liê hlăm hdră mdrao mgŭn, mtă brei mtrŭt mđĭ dŭm hdră bruă dôk hluê ngă, lŏ dơ̆ng duh bi liê, boh nik dŭm bruă ba yua kdrăp mrâo, jăk hŏng wăl hdĭp mda. Khua gĭt gai Đảng brei thâo, Việt Nam srăng mjing djăp klei găl kơ phung duh bi liê mbĭt anăn mtă kơ dŭm anôk bruă djŏ tuôm, bruă sang čư̆ êa alŭ wăl hrăm mbĭt hŏng phung duh bi liê čiăng mtrŭt mđĭ bruă pŏk ngă hdră bruă.

Bi tuôm hŏng Lim Boon Heng, khua êpul grŭp Temasek, Khua gĭt gai Đảng Tô Lâm mñă leh klei mđing mơ̆ng Việt Nam hlăm hdră mđĭ kyar bruă duh mkra êngao knŭk kna, brei thâo Việt Nam hưn mthâo leh mta kñăm mđĭ kyar bruă duh mkra, dôk čiăng mâo kdrăp mrâo, mnuih mă bruă thâo, boh nik mnuih knhâo mơ̆ng ala tač êngao, kyua anăn dŭm Keh duh bi liê jing čiăng êdi. Hlăk êjai ară anei, Việt Nam bi trông leh kơ dŭm klei kuôl kă bruă mnia mblei êngiê, bi trông hŏng ƀĭng hgŭm kñăm msir mghaih klei kơ bruă mnia mblei, rơ̆ng wăl anôk duh bi liê jăk găl kơ phung mă bruă duh bi liê, hlăm anăn mâo phung duh bi liê mơ̆ng Singapore./.