Hlăm mmông drông Khua gĭt gai Đảng Tô Lâm bi mklă Việt Nam dlăng myuôm klei bi hgŭm hŏng Kyrgyzstan. Khua gĭt gai Đảng lač, mŏng êbeh 30 thŭn êgao, klei bi hgŭm kđi čar- bruă hŏng tač êngao dưi mkra mđĭ, klei bi hgŭm bruă duh mkra - mnia blei plah wah dua ala čar mâo leh klei đĭ kyar jăk, khădah snăn, adôk lu mta ka dưi ba yua leh anăn mđĭ lar, čang hmăng mđĭ hĭn klei bi hgŭm dua nah hlăm jih jang bruă mơ̆ng tur knơ̆ng klei kuôl kă, klei ƀuăn rơ̆ng, ba yua tŭ dưn klei găl mơ̆ng Klei kuôl kă mnia blei êngiê plah wah Việt Nam - Êpul hgŭm bruă duh mkra Asi - Ơrôp; dua ala čar dưi mđĭ lar bruă klam mkŏ ti krĭng wăl Krah Asi leh anăn ASEAN.

Hlăm wưng kơ anăp, dua khua gĭt gai tŭ ư, jih dua tĭng mâo lu klei găl mđĭ klei bi hgŭm dua nah bi jăk, mâo klei tŭ dưn; mñă brei mđĭ bi trông dŭm gưl, hlăm jih jang klei bi tuôm dua nah leh anăn lu tĭng, Đảng, Bruă kƀĭn ala kñăm mđĭ klei đăo knang kđi čar; mđĭ klei mkŏ mjing klei bhiăn bi hgŭm plah wah dŭm phŭn, dhar bruă, alŭ wăl.