Bi trông kơ hdră bi mguôp hlăm wưng kơ anăp, dua tĭng bi tŭ ư mđĭ hĭn klei bi trông, bi tuôm gưl dlông leh anăn dŭm gưl, hluê ngă tŭ dưn dŭm hdră bi mguôp dua tĭng leh anăn anăp truh mkŏ mjing dŭm hdră êlan mrâo, găl guôp hŏng klei čiăng bi mguôp dua ala čar, ngă tŭ dưn dŭm klei bi mguôp hlăm dŭm mta bruă yuôm bhăn mkăn, boh nik jing bruă lĭng kahan, răng mgang klei êđăp ênang, duh bi liê mnia mblei, mă bruă knuă, mtô mjuăt bi hriăm, dhar kreh, hiu čhưn ênguê leh anăn mjĕ mjuk mnuih ƀuôn sang.

Khua knŭk kna Anwar Ibrahim tŭ ư bi mguôp kjăp čiăng mkŏ mjing klei mlih mrâo hlăm bruă duh mkra mnia mblei leh anăn duh bi liê plah wah dua ala čar, sa ai hŏng klei kčĕ mơ̆ng Việt Nam hlăm klei bi mguôp, pai mă klei găl leh anăn dưn yua dŭm hdră êlan mrâo čuăng mđĭ klei bi mguôp hlăm dŭm mta bruă yuôm bhăn mkăn msĕ si dhar kreh, mtô mjuăt bi hriăm, hiu čhưn ênguê.