Khua gĭt gai Đảng Tô Lâm mñă klă Đảng, knŭk kna leh anăn mnuih ƀuôn sang Việt Nam dlăng yuôm bhăn leh anăn hdơr kơ klei bi mguôp leh anăn klei sa ai mâo Cuba brei leh kơ Việt Nam, bi êdah klei đăo knang lăn čar Cuba, tĭ gŭ klei gĭt gai mơ̆ng Đảng cộng sản Cuba, lŏ dơ̆ng kjăp dưi găn jih klei dleh dlan, klei lông dlăng, mâo mă lu boh tŭ dưn hlăm bruă mkŏ mjing leh anăn răng mgang lăn čar.

Khua gĭt gai Đảng Tô Lâm mñă ktang, hŏng Việt Nam, bi mguôp leh anăn sa ai hŏng Cuba jing bruă klam leh anăn hdră bhiăn, mñă kơ dua tĭng bi mguôp hluê ngă tŭ dưn dŭm hdră bi mguôp hlăm bruă lŏ hma, pui kmlă, bi trông pŏk mlar klei bi mguôp hlăm dŭm mta bruă mâo klei găl msĕ si kdrăp sinh học, bruă mdrao mgŭn, hiu čhưn ênguê, lŏ dơ̆ng hluê ngă tŭ dưn dŭm hdră êlan leh anăn klei kuôl kă bi mguôp plah wah dua Đảng, dua lăn čar.