Hlăm mmông tŭ drông, Khua gĭt gai Đảng Tô Lâm mñă klă Việt Nam dlăng kơ Mi jing ƀĭng hgŭm hdră êlan mrô 1 leh anăn hmăng hmưi bi mguôp kjăp hŏng Mi čiăng ba klei mjĕ giăm dua ala čar đĭ kyar klă klơ̆ng, mtrŭn agha êlam hĭn, hluê ngă tŭ dưn dŭm mta phŭn hlăm klei bi klă mbĭt leh anăn hdră êlan ngă bruă hluê ngă klei mjĕ giăm ƀĭng hgŭm bi mguôp kluôm dhuôm kyua boh tŭ dưn kơ dua lăn čar leh anăn kyua klei êđăp ênang, bi mguôp leh anăn đĭ kyar hơĭt kjăp hlăm alŭ wăl leh anăn tar rŏng lăn.

Pô bi ala Mi mñă klă sa Việt Nam ktang, êngiê, mdrŏng sah, čŏng pô jing sa klei đru mguôp jăk kơ klei êđăp ênang, hơĭt kjăp hlăm alŭ wăl leh anăn tar rŏng lăn, jing klei mâo Mi sa ai. Pô bi ala Mi mnă klă dŭm knơ̆ng bruă leh anăn ƀĭng hgŭm Mi dlăng yuôm bhăn klei bi mguôp bruă duh mkra – duh bi liê, mnia mblei hŏng Việt Nam, hlăm anăn Việt Nam dưi dlăng jing sa hlăm dŭm ƀĭng hgŭm yuôm bhăn hlăm klei mkăp brei tar rŏng lăn leh anăn anôk mnia mblei Việt Nam dôk pŏk lu klei găl kơ mnơ̆ng dhơ̆ng leh anăn bruă knuă mơ̆ng Mi.