Hlăm klei kƀĭn, phung khua hlăm êpul gĭt gai brei klei blŭ mguôp kơ dŭm hdră phŭng čiăng mđĭ kyar bruă duh mkra êngao knŭk kna. Hlăm anăn mñă brei kñăm mlih mrâo, bi kluôm, mđĭ hnơ̆ng tŭ jăk klei kiă kriê, rơ̆ng kơ klei êngiê bruă mnia mblei, bi ktưn mtăp mđơr, klei dưi kiă kriê mnơ̆ng dhơ̆ng mơ̆ng bruă duh mkra êngao knŭk kna. Blŭ hlăm klei bi kƀĭn, Khua knŭk kna Phạm Minh Chính mñă ktang: Boh lăn čar ară anei čiăng bruă bruă klam kdlưn hĭn, mđĭ kyar bruă duh mkra lăn čar.

Hlăm anăn, bruă duh mkra êngao knŭk kna jing êpul êya kmeh gơ̆ng mkŏ mjing mnơ̆ng dhơ̆ng, đru mguôp yuôm bhăn hlăm klei đĭ kyar bruă duh mkra, mkŏ mjing bruă mă, mđĭ hnơ̆ng klei mă bruă, mtrŭt mđĭ klei mlih mrâo hŏng klei mbruă leh anăn mđĭ ai bi ktưn ala čar. Čiăng mâo klei kdlưn hĭn, Khua knŭk kna Phạm Minh Chính mñă brei mlih mrâo klei mĭn, mkŏ mjing klei sa ai, bi râo klei đăo knang, boh kdrŭt mrâo, ai êwa mrâo čiăng mđĭ kyar bruă duh mkra êngao knŭk kna.