Khua gĭt gai Đảng Tô Lâm bi mklă, Hdră bruă kơ klei mkŏ mjing êpul lĭng kahan alŭ wăl “khuăt, kjăp, ktang” ngă djŏ klei čiăng briă klam hlăm boh klei mrâo, djŏ hŏn g hdră bruă lĭng kahan leh anăn êlan tă bruă kahan răng mgang ala čar.

Boh nik, rơ̆ng klei bhiăn đảng gĭt gai êpul lĭng kahan yang ƀuôn Việt Nam kluôm dhuôm,hlăm jih bruă, hlăm anăn giăm hĭn jing Phŭn bruă kđi čar, Anôk dlăng bruă Đảng, lŏ čuê klei mĭn leh anăn mkŏ mjing Êpul kahan yang ƀuôn Việt Nam dưi bi mklă hlăm dŭm hdră mtrŭn, klah čŭn mơ̆ng Đảng; rơ̆ng êpul lĭng kahan klă sĭt jing êpul phŭn hlăm bruă răng mgang kjăp ala čar Việt Nam Yang ƀuôn ngă phŭn. Khua gĭt gai Đảng mtă, lŏ dơ̆ng dăp êpul bruă kahan alŭ wăl, kahan răng mgang knông lăn hlue si hdră êlan mơ̆ng Đảng, Knŭk kna, rơ̆ng tŭ dưn, ngă bruă phŭn, klă sĭt jing kmeh gơ̆ng hlăm klei mkŏ mjing leh anăn hlue ngă êlan ala čar jih jang mnuih ƀuôn sang leh anăn răng mgang kjăp klei dưi knông lăn ala čar.