Khua bruă kƀĭn ala Trần Thanh Mẫn mñă klă, gưl nao čhưn anei amâo djŏ knŏng mđĭ klei bi hgŭm kđi čar, bruă kƀĭn ala ôh, ƀiădah lŏ pŏk mlar klei găl mđĭ klei bi hgŭm bruă duh mkra, mnia blei leh anăn bi liê - bruă dua ala čar mâo klei găl prŏng čiăng hrăm mbĭt ba yua klei jăk.

Čiăng đĭ kyar êlam, kluôm leh anăn tŭ dưn hĭn hlăm klei bi hgŭm bruă duh mkra 2 ala čar hŏng boh phŭn jing bi liê leh anăn mnia blei,Khua bruă kƀĭn ala mtă, dua tĭng brei gĭr mjing klei găl kơ dŭm anôk bruă duh mkra Việt Nam leh anăn Armenia mâo nanao klei găl bi trông, ksiêm hriăm leh anăn duah klei găl bi hgŭm, bi liê, boh nik hlăm bruă mâo klei găl leh anăn klei čiăng. Dua ala čar brei mđĭ bi trông êpul dŭm gưl. Boh nik gưl dlông kñăm mđĭ klei đăo knang kđi čar leh anăn mđĭ klei bi hgŭm hlăm dŭm bruă mâo klei găl.