Hlăm mmông tŭ drông, Khua gĭt gai Đảng Tô Lâm mñă klă Việt Nam dlăng kơ Russia jing sa hlăm dŭm ƀĭng hgŭm mđing mrô 1 hlăm hdră êlan hŏng tač êngao. Việt Nam hmăng hmưi rơ̆ng kơ klei mjĕ giăm knhuah gru jăk siam, kyua boh tŭ dưn mơ̆ng dua djuê ana, đru mguôp hlăm klei êđăp ênang, bi mguôp leh anăn mđĭ kyar ti dua alŭ wăl leh anăn tar rŏng lăn.

Čiăng lŏ dơ̆ng mđĭ hĭn boh tŭ dưn klei bi mguôp dua tĭng, boh nik hlăm thŭn 2025 ƀri bi hdơr 75 thŭn mkŏ mjing klei mjĕ giăm, Khua gĭt gai Đảng Tô Lâm mñă kơ dua tĭng lŏ dơ̆ng mđĭ klei bi trông êpul gưl dlông, bi mguôp kjăp hlăm dŭm klei kƀĭn lu tĭng, hluê ngă tŭ dưn Klei kuôl kă mnia mblei êngiê Việt Nam – Êpul hgŭm bruă duh mkra Asi – Ơrôp, bi klă dŭm hdră êlan leh anăn hdră bi mguôp mrâo hlăm dŭm mta bruă, bruă lĭng kahan, kdrăp mrâo mrang, pui kmlă, pui kmlă hạt nhân, klei kreh knhâo, dhar kreh…