Blŭ hrăm hlăm knăm anăn, Đặng Đức Hiệp, Khua bruă Đảng ƀuôn prŏng Đà Lạt mnă klă, hlăm ênuk mblah Mi, Đà Lạt – Tuyên Đức kdơ̆ng mblah jih ai tiê, đru mguôp yuôm bhăn hlăm klei mtlaih êngiê kwar Dhŭng, hluh hlir lăn čar.

Hlăm wưng kơ anăp, bruă Đảng ƀuôn prŏng, bruă sang čư̆ êa leh anăn mnuih ƀuôn sang ƀuôn prŏng lŏ dơ̆ng bi lar ai ktang mơ̆ng klei bi mguôp, gĭr mkŏ mjing Đà Lạt jing ƀuôn prŏng mrâo mrang, wăl krah kriê pioh tar rŏng lăn, mă yua tŭ dưn grăp ai dưi, ba Đà Lạt đĭ kyar hơĭt kjăp. Wưng anei, bruă sang čư̆ êa čar Lâm Đồng ăt mđup brei mêđai “Kyua bruă mkŏ mjing leh anăn mđĭ kyar čar Lâm Đồng” kơ 50 čô knuă druh hđăp, khua gĭt gai čar, ƀuôn prŏng hlăm dŭm wưng, mnuih ƀuôn sang leh anăn knơ̆ng bruă hlăm alŭ wăl đru mguôp hlăm klei đĭ kyar mơ̆ng alŭ wăl.