Khua gĭt gai Đảng Tô Lâm, Khua knŭk kna Phạm Minh Chính, Khua bruă kƀĭn ala Trần Thanh Mẫn mbĭt hŏng phung khua hlăm Phŭn bruă kđi čar, Khua dlăng bruă Đảng gưl dlông nao hgŭm. Khua gĭt gai Đảng Tô Lâm brei thâo, ksiêm hriăm thơ̆ng kơ bruă kdrăp mrâo, kreh knhâo, bi mlih mrâo lehanăn mlih mrô ala čar dôk hlăm hdră kčah, hdră mă bruă mơ̆ng Phŭn bruă kđi čar, Anôk dlăng bruă Đảng, anei jing bruă ngă klă klơ̆ng, mñă klă klei gĭr mơ̆ng phung khua kiă kriê Đảng, Knŭk kna hluê ngă tŭ dưn Hdră mtrŭn mrô 57 mơ̆ng Phŭn bruă kđi čar. Čiăng gĭt gai lehanăn hluê ngă tŭ dưn Hdră mtrŭn anei snăn phung khua hlăm Phŭn bruă kđi čar, Khua hlăm Anôk dlăng bruă Đảng gưl dlông brei ba akŏ hlăm bruă ksiêm hriăm dŭm mta bruă mrâo, bruă dleh lehanăn bi mlih nanao anei.

Khua gĭt gai Đảng jao kơ bruă Đảng Knŭk kna lehanăn Adŭ bruă Đảng gưl dlông, êpul êya bruă hlăm Anôk gĭt gai gưl dlông kơ hdră mđĭ kyar bruă kdrăp mrâo, kreh knhâo, bi mlih mrâo lehanăn mlih mrô ala čar mđing hmư̆ djăp ênŭm klei blŭ đru mguôp mơ̆ng phung bi ala čiăng thiăm mbŏ, bi leh hră mơar mkăp kơ Klei bi kƀĭn gưl dlông tal 11 kơ anăp, hlăm anăn mđing kơ dŭm klei mrâo mâo hlăm tar rŏng lăn djŏ tuôm kơ kdrăp mrâo, bi mlih mrô, hưn mdah dŭm hdră msir čiăng pŏk ngă tŭ dưn Hdră mtrŭn mrô 57 mơ̆ng Phŭn bruă kđi čar hlăm wưng ti anăp./.