Blŭ hrăm ti knăm anei, Khua gĭt gai Đảng Tô Lâm – Khua Anôk bruă gưl dlông kơ hdră gang mkhư̆ klei ƀơ̆ng ngăn, klei ngă amao djŏ tĭng dlăng, hlăm thŭn 2024 hdră gang mkhư̆ klei ƀơ̆ng ngăn, klei ngă amâo djŏ hlăm Anôk bruă Đảng lehanăn Anôk gĭt gai dŭm gưl mơ̆ng čar truh kơ ƀuôn prŏng dưi krơ̆ng kjăp hdră djŏ mtrŭn, djŏ hdră êlan hŏng ai tiê amâo mâo krĭng kăm, đru bi kjăp klei đăo knang mơ̆ng mnuih ƀuôn sang hŏng Đảng, mâo ƀĭng găp tar rŏng lăn bi mni.

Sa ai hŏng bruă klam, hdră msir mâo Anôk bruă kčah mtrŭn hlăm thŭn 2025, Khua gĭt gai Đảng mtă, brei msir mghaih jih klei gun kpăk dưi hưn mdah lehanăn dŭm bruă mâo bi trông ti anôk bi kƀĭn. Mñă hlăm thŭn ti anăp srăng mkŏ mjing lu bruă yuôm bhăn mơ̆ng Đảng, lăn čar, knŭk kna drei mâo leh lu hdră mtrŭn mrâo. Kyua anăn, kluôm anôk bruă brei ksiêm dlăng kjăp, thâo klă dŭm mta klei čiăng mâo hdră đru kčĕ tŭ dưn hŏng Đảng lehanăn Knŭk kna hlăm bruă anei./.