Hlue si klei hưn mdah hlăm klei bi kƀĭn, hlue ngă asăp mtrŭn 55 mơ̆ng Anôk dlăng bruă Đảng, Phŭn bruă kđi čar, Anôk dlăng bruă Đảng, Knŭk kna pral gĭt gai hnưm bruă mkŏ mjing Tết Bính Ngọ 2026 leh anăn khăng gĭt gai bruă hlue ngă.

Khua gĭt gai Đảng Tô Lâm bi mni kơ ai tiê đua klam mơ̆ng dŭm gưl bruă Đảng, êpul bruă Đảng, knŭk kna, bruă mặt trận čar kwar, êpul bruă lĭng kahan mơ̆ng êpul knuă druh, phung mă bruă knŭk kna mkŏ mjing leh jăk klei gĭt gai mơ̆ng Anôk dlăng bruă Đảng, rơ̆ng kơ mnuih ƀuôn sang drông Tết jăk mơak, hơuh mđao, bŏ hŏng klei khăp, êđăp ênang, mjing ai êwa jăk siam mŭt hlăm thŭn mrâo. Khădah snăn, bruă klam phă anăp ktrŏ snăk, Khua gĭt gai Đảng mtă kơ jih bruă kđi čarr ngă bruă mtam. Hjăn hlăm gưl 1 thŭn anei, Khua gĭt gai Đảng mtă, brei bi leh bruă ksiêm dlăng leh anăn pŏk ngă mkŏ mjing, mbŏ Hdră ngă bruă hlue ngă Hdră mtrŭn Klei bi kƀĭn tal 14 hlăm kluôm Đảng, mkŏ mjing tŭ jing klei ruah khua phung bi ala Bruă kƀĭn ala gưl 16, Êpul gơ̆ng bruă ƀuôn sang dŭm gưl wưng 2026 -2031 hlăm hruê 15/3 kơ anăp.