Hluê klei hưn mdah lehanăn mă klei blŭ mŏng phung khua hlăm Anôk dlăng bruă Đảng, klah čŭn ti anôk bi kƀĭn, Khua gĭt gai Đảng mñă klă, brei mđĭ hdră ba yua kdrăp kreh knhâo, mrâo mrang hlăm bruă mđing hmư̆, tŭ mă klei blŭ mnuih ƀuôn sang, dŭm anôk bruă djŏ tuôm mâo kah mbha brei ngă jăk hdră bi mklin klei blŭ đru mguôp mŏng mnuih ƀuôn sang, hưn mdah hŏng Anôk bruă kƀĭn ala ksiêm dlăng lehanăn bi mklă.

Djŏ tuôm kơ dŭm mta klei hlăm bruă hluê ngă Hdră mtrŭn mrô 18 mŏng Gưl dlông kơ bruă lŏ dŏng mlih mrâo, mkŏ dăp anôk bruă kđi čar hluê hdră khuăt, ngă bruă tŭ dưn, Khua gĭt gai Đảng mtă, Knŭk kna lehanăn dŭm phŭn, dhar bruă djŏ tuôm mđing kah mbha klei dưi kriê dlăng hlăm hdră ngă bruă, brei mjêč bi mlih klei mĭn ngă bruă čiăng kơ dŭm alŭ wăl pŏk ngă bruă djŏ hŏng klei dưi, bruă klam mâo kčah jao mơ̆ng Gưl dlông truh kơ alŭ wăl./.