Ti anôk mă bruă, Khua gĭt gai Đảng ba mdah 6 hdră prŏng, brei bi mklă hdră êlan, dlăng anei jing bruă hƀuê ênuk lehanăn mđing mđĭ kyar hlăm wưng sui. Hdră mtrŭn brei jing hdră tĭng dlăng kluôm kơ gru hmô đĭ kyar 2 mrô mơ̆ng Việt Nam truh kơ thŭn 2045, bi êdah klei gĭr lehanăn hdră ruah hƀuê ênuk kñăm hluê ngă sĭt klei čang hmăng mđĭ kyar ala čar. Đĭ kyar brei rơ̆ng klei hơĭt kjăp, tŭ jăk, kluôm, mtah lehanăn ngă phŭn mil pô.

Čiăng dưi mâo mta kñăm pral lehanăn hơĭt kjăp, brei mđing bi mlih klei mĭn mđĭ kyar hlăm kluôm anôk bruă kđi čar lehanăn ala ƀuôn; dlăng anei amâo djŏ jing hnơ̆ng čuăn bruă duh mkra ƀiădah jing bruă klam kđi čar phŭn, mjêč; lăm lui klei mĭn čiăng ngă hjăn păn; mđĭ lar ai tiê jhŏng mĭn, jhŏng ngă, jhŏng đua klam, ngă bruă mđrăm mbĭt, mâo klei bi hgŭm kjăp mơ̆ng gưl dlông, alŭ wăl, anôk bruă duh mkra; mă kdrăp mrâo bi mlih mrô jing phŭn mơ̆ng gru hmô đĭ kyar mrâo./.