Klei kƀĭn dưi mkŏ online hŏng 21.000 anôk bi kƀĭn, hŏng êbeh 1 êklăk 500 êbâo čô knuă druh, đảng viên nao hgŭm. Blŭ gĭt gai klei kƀĭn, Khua gĭt gai Đảng Tô Lâm mñă ktang, Klei kƀĭn trông gưl dlông 11 jing klei kdlưn yuôm bhăn hlăm wưng mlih mrâo, mkŏ mjing ai êwa mrâo kơ klei bi mlih kluôm dhuôm lăn čar, srăng bi klă klei gĭr bruă kđi čar hlăm klei gĭt gai, ktrâo lač hluê ngă hdră mtrŭn.

Klei kƀĭn trông gưl dlông 11 bi klă anei jing sa klei mkŏ dăp phung mă bruă leh anăn mkŏ dăp anôk bruă knŭk kna leh anăn mlih mrâo čiăng mđĭ kyar lăn čar, dŭm gưl bruă Đảng nah gŭ, phung khua gĭt gai dŭm gưl srăng ktang phĭt hlăm klei gĭt gai, ktrâo lač kơ êpul knuă druh, đảng viên. Khua gĭt gai Đảng Tô Lâm mñă kơ dŭm gưl bruă Đảng, êpul bruă Đảng ngă djăp bruă hŏng klei răng, amâo mâo ngă mplă mplia. Djăp mta bruă mdưm boh tŭ dưn mbĭt mơ̆ng lăn čar, kyua mnuih ƀuôn sang jing mrô 1.