Khua gĭt gai Đảng Tô Lâm mtă kơ bruă Đảng knŭk kna kiă kriê bi kjăp bruă ksiêm wĭt ngăn dŏ knŭk kna ti dŭm anôk bruă, êpul êya hlăm kluôm ala, čiăng bi mâo hdră kiă kriê kjăp, amâo mâo lui luič liê hơăi muang mang. Mkŏ mjing klei bi hrŏ mnuih mă bruă, rơ̆ng bi mâo keli tŭ jing. Bi leh bruă knuă hlăm thŭn 2025 hŏng dŭm bruă jing sang lăn amâo mâo ba yua, dôk yua amâo mâo klei tŭ dưn. 

Snăn brei mâo mtam hdră êlan mă bruă bi tŭ dưn hlăm klei bi kdơ̆ng hŏng ƀơ̆ng ngăn, boh nik, mghaih msir bi jih dŭm anôk bruă, anôk rŭ mkra êmưt mă bruă, kñăm đru hlăm bruă mđĭ kyar bruă duh mkra êbeh 8% hlăm thŭn 2025 lehanăn lŏ đĭ dua mrô hlăm dŭm thŭn tinăp. Khua gĭt gai Đảng Tô Lâm ăt mtă, ngă mtam klei ksiêm wĭt bruă bi kdơ̆ng hŏng klei ƀơ̆ng ngăn kơ wưng păn bruă mơ̆ng klei bi kƀĭn prŏng 13. Êlâo hĭn, hlăm thŭn 2025 bi mâo klei bhiăn kjăp djăp ênŭm jih jang hdră êlan mơ̆ng Đảng kơ bruă bi kdơ̆ng hŏng klei ƀơ̆ng ngăn mâo bơ̆k bâo leh ti anôk bi kƀĭn prŏng 13./.