Blŭ hrăm ti anôk mă bruă, Khua gĭt gai Đảng Tô Lâm mñă anei jing klei găl čiăng kơ alŭ wăl ksiêm dlăng hnơ̆ng tŭ dưn hdră kiă kriê, gĭt gai lehanăn tă hdră êlan mđĬ kyar kơ ƀuôn prŏng Hồ Chí Minh hlăm wưng ti anăp. Khua gĭt gai Đảng kyuă kjăp 2 bruă klam phŭn lehanăn mjêč ară anei jing krơ̆ng kjăp klei êđăp ênang ala čar, alŭ wăl, rơ̆ng klei êđăp ênang čiăng đĭ kyar.

Mbĭt anăn, Khua gĭt gai Đảng ăt mđing djăp klei găl mâo čiăng mđĭ kyar bruă duh mkra, bi leh dŭm mta kñăm Klei bi kƀĭn tal XIII mơ̆ng Đảng, dŭm hdră mtrŭn djŏ tuôm lehanăn mprăp kơ Klei bi kƀĭn tal XIV kơ anăp. Khua gĭt gai Đảng bi mni klei gĭr mơ̆ng ƀuôn prŏng Hồ Chí Minh lehanăn dŭm alŭ wăl hlăk mta kñăm đĭ kyar kdlưn hĭn hnơ̆ng kah knar kluôm mơ̆ng ala čar mbĭt anăn mtă kơ ƀuôn prŏng gĭr hluê ngă mta kñăm hlăm 6 mlan knhal jih thŭn čiăng mkra mđĭ klei hdĭp mnuih ƀuôn sang./.