
Aguah 25/6, ti Quảng Bình, Khua gĭt gai Đảng Tô Lâm leh anăn Êpul mă bruă mơ̆ng Gưl dlông mă leh bruă hŏng Anôk dlăng bruă Đảng čar Quảng Bình leh anăn Anôk dlăng bruă Đảng čar Quảng Trị kơ boh tŭ pŏk ngă hdră mtrŭn, klei klah čŭn mơ̆ng Gưl dlông leh anăn dŭm bruă klam phŭn mđĭ kyar bruă duh mkra ala ƀuôn, rơ̆ng klei êđăp ênang ala čar, êđăp ênang ti čar Quảng Bình, Quảng Trị.

Mmông mă bruă mkŏ mjing hlăm boh klei dua čar Quảng Bình leh anăn Quảng Trị dôk pŏk ngă hdră bi mŭt čiăng mkŏ mjing anôk bruă knŭk kna mrâo mâo anăn Quảng Trị. Hlue si klei kčĕ, čar Quảng Trị leh bi mŭt srăng mâo 78 anôk bruă knŭk kna gưl să. Anôk briă knŭk kna - kđi čar ti ƀuôn prŏng Đồng Hới. Hlăm mmông mă bruă, Khua gĭt gai Đảng Tô Lâm hŏng êpul mă bruă Gưl dlông hmư̆ phung khua gĭt gai dŭm alŭ wăl hưn kơ hnơ̆ng pŏk ngă dŭm hdră mtrŭn, klah čŭn mơ̆ng gưl dlông; bruă dăp êpul bruă alŭ wăl leh bi mŭt; hŏng klei kčĕ, klei akâo kñăm ruh mgaih klei dleh dlan, rơ̆ng tŭ dưn leh anăn hơĭt kjăp hlăm hdră pŏk ngă.
Viết bình luận