Ti knăm anei, Khua gĭt gai Đảng Tô Lâm mñă klă leh bruă klam yuôm bhăn mơ̆ng Dhar bruă duh mkra gưl dlông jing anôk bruă đru kčĕ phŭn mơ̆ng Đảng hlăm hdră čuăl mkă hdră êlan mtrŭn mơ̆ng Đảng hlăm klei mđĭ kyar bruă duh mkra ala ƀuôn mơ̆ng Lăn čar, mñă kơ klei huĭ srăng toh hroh lehanăn nao amâo djŏ hdră hlăm ktuê êlan mđĭ kyar bruă duh mkra, kyua anăn Dhar bruă duh mkra gưl dlông brei mđing ksiêm dlăng kơ hdră đru kčĕ kơ hdră êlan mđĭ kyar bruă duh mkra ala ƀuôn kơ Đảng lehanăn Knŭk kna hlăm wưng ti anăp.

Khua gĭt gai Đảng Tô Lâm mtă kơ Dhar bruă Duh mkra gưl dlông brei pral, ksiêm dlăng kluôm, đru kčĕ, ba mdah dŭm hdră msir čiăng gĭt gai, kriê dlăng ba ala čar drei đĭ kyar hơĭt kjăp, sui thŭn hlăm wưng ti anăp./.