
Bruă bi hơĭt djăp mta bruă mơ̆ng alŭ wăl, bruă lĭng kahan, răng mgang klei êđăp ênang, klei gĭt gai hluê ngă bruă klam mđĭ kyar bruă duh mkra ti alŭ wăl, bi hơĭt klei hdĭp yang ƀuôn, bi hrŏ ƀun, mđĭ hnơ̆ng klei hdĭp mnuih ƀuôn sang, klei akâo mơ̆ng alŭ wăl.

Khua gĭt gai Đảng Tô Lâm bi mni dŭm klei gĭr mơ̆ng bruă kđi čar, êpul êya knơ̆ng bruă leh anăn mnuih ƀuôn sang 3 čar dưi mâo leh, mbĭt anăn mñă klă klei bi mguôp plah wah 3 čar Phú Thọ, Vĩnh Phúc leh anăn Hòa Bình jing hdră êlan čiăng mkŏ mjing sa čar mrâo mâo hnơ̆ng bi găl guôp, bi lu jơr ai dưqi, bi kna kơ wăl đĭ kyar leh anăn mkŏ, bi mbŏ kơ hdơ̆ng pô hlăm lu mta bruă. Khua gĭt gai Đảng Tô Lâm mñă, brei mjêč ƀiădah kjăp bi leh bruă mkŏ dăp hluê si klei bi hmô bruă sang čư̆ êa dua gưl, rơ̆ng kơ klei khuăt, tŭ dưn, klă mmgač, lŏ dơ̆ng mkŏ mjing hdră êlan mđĭ kyar bruă duh mkra ala ƀuôn kluôm kơ čar mrâo hŏng klei mrâo mrang, mâo knhuah wưng sui.
Viết bình luận