Hlăm mmông mă bruă, Khua gĭt gai Đảng Tô Lâm bi mni kơ êpul kahan bi leh jăk bruă klam hlăm thŭn êgao. Bi kơ bruă klam hlăm wưng kơ anăp, Khua gĭt gai Đảng Tô Lâm mñă klă, wăl kahan čiăng jêñ jêñ hyuă kjăp hdră kčah mtrŭn mơ̆ng Đảng, hdră bhiăn lăn čar, dŭm hdră mtrŭn, asăp mtrŭn mơ̆ng Knơ̆ng gĭt gai lĭng kahan gưl dlông, Phŭn bruă lĭng kahan leh anăn boh sĭt bruă klam mơ̆ng êpul lĭng kahan hlăm wăl kahan, gĭr hluê ngă tŭ jing dŭm mta kñăm, bruă klma hdră mtrŭnt klei kƀĭn kluôm tal 13 mơ̆ng Đảng, hdră mtrŭn klei kƀĭn bruă Đảng wăl kahan gưl tal 10.

Čŏng pô, hur har đru kčĕ hŏng Knơ̆ng kahan gưl dlông, phŭn bruă lĭng kahan leh anăn bi mguôp hŏng gưl bruă Đảng nah gŭ, bruă sang čư̆ êa alŭ wăl mkŏ mjing hdră lĭng kahan hlăm jih jang mnuih ƀuôn sang nao mbĭt hŏng răng mgang klei êđăp ênang leh anăn hơĭt kjăp. Boh nik, srăng thâo klă boh sĭt, mgaih msir dŭm boh klei, amâo brei mâo klei kdjăt kƀla, rơ̆ng kjăp klei hơĭt bruă kđi čar, mkŏ mjing klei găl čiăng kơ dŭm alŭ wăl mđĭ kyar bruă duh mkra ala ƀuôn.