Tui si klei hâo mdah, wưng thŭn 2021 - 2024 Nghệ An mâo hnơ̆ng đĭ kyar kah knar giăm 8%, kah knar grăp čô mnuih mâo 62,5 êklăk prăk hlăm thŭn 2024. Hlăm 3 thŭn êgao, Nghệ An dôk nanao hlăm êpul 10 alŭ wăl iêo jak klei duh bi liê mơ̆ng ala tač êngao prŏng hĭn hlăm kluôm ala.

Kơ bruă rŭ mdơ̆ng mkra wĭt sang kơ phung ƀun ƀin kluôm čar mâo mdơ̆ng leh êbeh 16.000 boh sang jing djăp 3/4 hdră kčah, dŭm hdră êlan bruă đru kơ phung knŭk kna dlăng ba, lehanăn kơ klei hdĭp mda ala ƀuôn mâo duh mĭn jăk. bruă mkŏ mjing Đảng mâo mkŏ mjing kluôm: Ngă jăk bruă dăp wĭt bi khuăt êpul mă bruă, mđĭ klei tŭ dưn bruă knuă hlăm jih bruă kđi čar. Lŏ dơ̆ng mkŏ mjing, bi kjăp êpul bruă đảng, bi mŭt đảng viên mrâo hlăm krĭng mnuih djuê ƀiă, krĭng taih kbưi lehanăn hlăm anôk duh mkra êngao knŭk kna./.