Khua gĭt gai Đảng Tô Lâm nao čhưn gưl knŭk kna ti Indonesia leh anăn nao čuă Êpul khua kiă kriê ASEAN
Thứ hai, 13:31, 10/03/2025
VOV Tây Nguyên
VOV Tây Nguyên
VOV4.Êđê- Tlam mbruê 9/3, Khua gĭt gai Đảng Tô Lâm mbĭt hŏng mô̆ ñu leh anăn Êpul bi ala gưl dlông ala čar drei truh leh ti Jakartar nao čhưn gưl knŭk kna ti Indonesia hluê si klei iêo jak mơ̆ng Khua mil čhil Indonesia Prabowo Subianto leh anăn nao čuă klă klơ̆ng Êpul khua kiă kriê ASEAN hluê si klei iêo jak mơ̆ng khua kiă kriê ASEAN Kao Kim Hourn.
Indonesai jing anôk truh tal êlâo mơ̆ng Khua gĭt gai Đảng Tô Lâm hlăm gưl nao čuă ala tač êngao tal êlâo hlăm thŭn 2025, mkŏ mjing hlăm wưng klei mjĕ giăm dua ala čar dôk đĭ kyar jăk siam hŏng dŭm boh tŭ dưn ƀri wưng bi hdơr 70 thŭn mkŏ mjing klei mjĕ giăm 1955 - 2025). Gưl nao čhưn srăng đru bi kjăp klei đăo knang bruă kđi čar, mđĭ hnơ̆ng klei bi mguôp hlăm djăp mta bruă plah wah dua ala čar.
Hlăm alŭ wăl ASEAN, 30 thŭn mơ̆ng Việt Nam nao hgŭm mơ̆ng thŭn 1995 truh kơ ară anei mâo lu klei kruăk knăl hŏng Việt Nam leh anăn wăt ASEAN. Mmông ktuê dlăng Việt Nam đĭ hriê kơ prŏng, ƀrư̆ ƀrư̆ đĭ kyar, čŏng pô leh anăn đru mguôp lu hĭn kơ bruă mbĭt. Hlăm mmông hgŭm hlăm ASEAN, Việt Nam mđing tal êlâo kơ klei bi mguôp leh anăn hlu hlir ASEAN.
Viết bình luận